കോവിഡ് കേസുകള്‍ വര്‍ധിച്ചുവരുന്ന സാഹചര്യത്തില്‍ ജില്ലയില്‍ ട്രൈബല്‍ വകുപ്പിന്റെ കീഴിലുള്ള ഹോസ്റ്റലുകളും, മോഡല്‍ റസിഡന്‍ഷ്യല്‍ സ്‌കൂളുകളും, ഫര്‍ണിച്ചറുകളും സി. എഫ്. എല്‍. ടി. സി കളുടെ പ്രവര്‍ത്തനങ്ങള്‍ക്കായി വിട്ടുനല്‍കുമെന്ന് ജില്ലാ കളക്ടര്‍ ഡോ. അദീല അബ്ദുള്ള അറിയിച്ചു. തദ്ദേശ സ്വയം ഭരണ സ്ഥാപന സെക്രട്ടറിമാര്‍ രേഖാമൂലം ആവശ്യപെടുന്ന മുറയ്ക്ക് ട്രൈബല്‍ ഹോസ്റ്റലുകള്‍, മോഡല്‍ റസിഡന്‍ഷ്യല്‍ സ്‌കൂളുകള്‍ സ്ഥാപനങ്ങളില്‍ ലഭ്യമായ ഫര്‍ണിച്ചറുകള്‍ അടിയന്തിരമായി ലഭ്യമാക്കുന്നതിന് ഐ. ടി. ഡി. പി. പ്രൊജക്റ്റ് ഓഫീസര്‍ / ഡെവലപ്പ്‌മെന്റ് ഓഫീസര്‍ മാര്‍ നടപടി സ്വീകരിക്കേണ്ടതാണെന്ന് ജില്ലാ കളക്ടര്‍ അറിയിച്ചു.ഫര്‍ണിച്ചറുകള്‍ ഉപയോഗത്തിന് ശേഷം തിരിച്ചു നല്‍കുമ്പോള്‍ യാതൊരു കേടുപാടുകളും ഇല്ലാതെ ഉപയോഗയോഗ്യമായ തരത്തില്‍ തന്നെയാണെന്ന് തദ്ദേശ സ്വയംഭരണ സ്ഥാപന സെക്രട്ടറിമാര്‍ ഉറപ്പുവരുത്തേണ്ടതാണ്.
