മൊബൈല്‍ ഫോണ്‍ മോഷ്ടിച്ച സിസിടിവി ദൃശ്യങ്ങള്‍ പുറത്ത്.പോലീസ് അന്വേഷണം ആരംഭിച്ചു.കഴിഞ്ഞ ദിവസം രാവിലെയായിരുന്നു സംഭവം. മീനങ്ങാടി ഈ വണ്‍ കമ്പ്യൂട്ടേഴ്‌സ് എന്ന സ്ഥാപനത്തില്‍ നിന്ന് മെമ്മറി കാര്‍ഡ് റിക്കെവറിക്ക് എത്തിയ ആളാണ് മൊബൈല്‍ ഫോണ്‍ മോഷ്ടിച്ചത്.റെഡ്മി നോട്ട് ഫോര്‍ പ്രോ എന്ന മൊബൈല്‍ ഫോണാണ് മോഷണം പോയതെന്ന് കാണിച്ച് കടയുടമ സാദിഖ് മീനങ്ങാടി പോലീസ് സ്റ്റേഷനില്‍ പരാതി നല്‍കി. കടയില്‍ നിന്നും മോഷ്ടാവ് മൊബൈല്‍ ഫോണ്‍ മോഷ്ടിക്കുന്ന സിസിടിവി ദൃശ്യങ്ങള്‍ സാമൂഹ്യ മാധ്യമങ്ങളില്‍ ഇപ്പോള്‍ വൈറലാണ്. പ്രതി കട തുറക്കുന്നതിനു മുന്‍പ് തന്നെ പരിസരത്ത് ഉണ്ടായിരുന്നതായി ദൃഡ്‌സാക്ഷികള്‍ പറഞ്ഞു. കഴിഞ്ഞ മാസവും ടൗണിലെ മറ്റൊരു ഫോണ്‍ കടയില്‍ നിന്നും മൊബൈല്‍ ഫോണുകള്‍ മോഷണം പോയിരുന്നു.
