പുല്‍പ്പള്ളി എരിയപ്പള്ളി ദി വൈറ്റ് ഹൗസ് ആചാര്യസിന്റെ വീട്ടിലാണ് കഴിഞ്ഞ ദിവസം പൂട്ട് കുത്തിതുറന്ന് മോഷ്ടാക്കള്‍ അകത്ത് കടന്നത്. അലമാര തുറന്നുവെങ്കിലും ഒന്നും നഷ്ടപ്പെട്ടിട്ടില്ലെന്നാണ് വീട്ടുകാര്‍ പറയുന്നത്.അലമാരയിലെ തുണികളും മറ്റും വലിച്ചിട്ട നിലയില്‍ കണ്ടെത്തി.മോഷണം നടന്ന ഇന്നലെ വീട്ടില്‍ ആരും ഉണ്ടായിരുന്നില്ല വീടിന്റെ പുറത്തുള്ള സിസിടിവി കോവണി ഉപയോഗിച്ച് കയറി മുടി കെട്ടിയതിന് ശേഷമായിരുന്നു വീടിനുള്ളില്‍ മോഷ്ടാക്കള്‍ കയറിയത്.വീടിന് മുന്നിലെ രണ്ട് സിസിടിവി ക്യാമറകളും തുണികൊണ്ട് മുടികെട്ടിയ നിലയിലായിരുന്നു.വീടിനുള്ളില്‍ ഉണ്ടായിരുന്ന സിസിടിവിയുടെ ഹാര്‍ഡ് ഡിസ്‌ക് മോഷ്ടാക്കള്‍ കൊണ്ടുപോയി.കര്‍ണ്ണാടക സ്വദേശിയായ ആചാര്യസ് ഇടക്ക് മാത്രമേ ഇവിടെ താമസിക്കാറുള്ളു.പുല്‍പ്പള്ളി സി.ഐ ബെന്നിയുടെ നേത്യത്വത്തില്‍ പോലീസ് സംഘമെത്തി അന്വേഷണം ആരംഭിച്ചു.കഴിഞ്ഞയാഴ്ച്ച സുരഭിക്കവലയിലെ പാലറയ്ക്കല്‍ ജോഷിയുടെ വീട്ടില്‍ മോഷണം നടന്നിരുന്നു.ഇതുവരെ മോഷ്ടാക്കളെ കണ്ടെത്താന്‍ കഴിഞ്ഞിട്ടില്ല. മോഷണവുമായി ബന്ധപ്പെട്ട് അന്വേഷണം ഊര്‍ജിതപ്പെടുത്തിയതായി പുല്‍പ്പള്ളി സി.ഐ പറഞ്ഞു.
