തവിഞ്ഞാലില്‍ കോണ്‍ഗ്രസ് നേതാവായിരുന്ന പി.കെ ഷൈബി സ്മൃതി മണ്ഡപം തകര്‍ത്ത സംഭവം, പ്രതികളെ പിടികൂടാത്തതില്‍ പ്രതിഷേധം ശക്തമാവുന്നു. മണ്ഡപം തകര്‍ത്ത് ദിവസങ്ങള്‍ കഴിഞ്ഞിട്ടും പോലീസ് നടപടി സ്വീകരിക്കുന്നില്ലെന്ന് കോണ്‍ഗ്രസ്
തലപ്പുഴ ടൗണില്‍ കോണ്‍ഗ്രസ് സ്ഥാപിച്ച മുന്‍ തവിഞ്ഞാല്‍ പഞ്ചായത്ത് സ്റ്റാന്റിംഗ് കമ്മറ്റി ചെയര്‍മാനും കോണ്‍ഗ്രസ് നേതാവുമായിരുന്ന പി.കെ.ഷൈബിയുടെ സ്മൃതി മണ്ഡപം തകര്‍ത്ത സാമൂഹ്യ വിരുദ്ധരെ തലപ്പുഴ പോലിസ് പിടികൂടാത്തതില്‍ പ്രതിഷേധം ശക്തമാവുന്നു.രണ്ട് ആഴ്ച മുമ്പ് രാത്രിയിലാണ് സ്മൃതി മണ്ഡപം തകര്‍ന്ന നിലയില്‍ കണ്ടെത്തിയത്.കോണ്‍ഗ്രസ് പോലിസില്‍ പരാതി നല്‍കിയെങ്കിലും ഇതുവരെ ഒരു നടപടിയും ഉണ്ടായിട്ടില്ല. തലപ്പുഴ പോലിസ് സ്റ്റേഷന്റെ വിളിപ്പാട് അകലെയാണ് സംഭവം നടന്നതെന്നും പ്രതികളെ നിയമത്തിന്റെ മുമ്പില്‍ കൊണ്ടു വരണമെന്നും ഇല്ലെങ്കില്‍ ശക്തമായ സമരത്തിന് കോണ്‍ഗ്രസ് നേതൃത്വം നല്‍കുമെന്നും കോണ്‍ഗ്രസ് നേതാക്കള്‍ പറഞ്ഞു.
