കെഎസ് ആര്‍ടിസി സുല്‍ത്താന്‍ ബത്തേരി ഡിപ്പോയ്ക്ക് സമീപം ജീവനക്കാര്‍ക്ക് വിശ്രമിക്കാനായി നിര്‍മ്മിക്കുന്ന കെട്ടിടത്തിന്റെ നിര്‍മ്മാണം പ്രവര്‍ത്തികളാണ് നിര്‍ത്തിയത്. കെഎസ്ആര്‍ടിസിയുടെ അധീനതയിലുള്ള പാട്ടഭൂമിയില്‍ കെട്ടിടം നിര്‍മ്മിക്കുന്നുവെന്ന പരാതിയുടെ അടിസ്ഥാനത്തിലാണ് നിര്‍മ്മാണ പ്രവര്‍ത്തി നിര്‍ത്തിവെക്കാന്‍ ജില്ലാപഞ്ചായത്ത് എക്സിക്യൂട്ടീവ് എഞ്ചിനിയര്‍ കരാറുകാരന് കത്തുനല്‍കിയത്. ജില്ലാ ഭരണകൂടത്തിന്റെ നിര്‍ദ്ദേശപ്രകാരമാണ് ഈ നടപടി. നിലവില്‍ തറനിര്‍മ്മാണം മാത്രമാണ് പൂര്‍ത്തിയായിരിക്കുന്നത്.പാട്ടഭൂമിയില്‍ കെട്ടിടം നിര്‍മ്മിക്കുന്നതിന് പ്രത്യേക അനുമതി വാങ്ങണമെന്നുണ്ട്. ഇത് വാങ്ങിയാല്‍ നിര്‍മ്മാണം പുനരാരംഭിക്കാന്‍ കഴിയുമെന്നാണ് അറിയുന്നത്. ഐ സി ബാലകൃഷ്ണന്‍ എംഎല്‍എയുടെ പ്രാദേശിക വികസന ഫണ്ടില്‍ നിന്നും 50 ലക്ഷം രൂപ ചെലവഴിച്ചാണ് വിശ്രമ മന്ദിരം പണിയുന്നത്.
