ജില്ലയിലെ മാധ്യമപ്രവര്‍ത്തര്‍ക്ക് സ്നേഹസ്പര്‍ശം സമര്‍പ്പണം എന്നപേരില്‍ ഓണോപഹാരമായി ഗ്ലോബല്‍ കെഎംസിസിഭക്ഷ്യധാന്യക്കിറ്റുകള്‍ നല്‍കി.ജില്ലയിലെ പ്രാദേശിക മാധ്യമപ്രവര്‍ത്തകര്‍ക്കുള്‍പ്പെടെ ഓണവിഭവങ്ങളടങ്ങിയ കിറ്റുകളാണ് ജില്ലയിലെ മൂന്ന് താലൂക്ക് കമ്മറ്റികള്‍ മുഖേന വിതരണം ചെയ്തത്.അഞ്ച് ജിസിസി രാജ്യങ്ങളിലായി ജില്ലയില്‍ നിന്നും ഉപജീവനാര്‍ത്ഥം പോയി ജോലി ചെയ്യുന്നവരുടെ കൂട്ടയ്മായാണ് ഗ്ലോബല്‍ കെ എം സി സി.
ഇതിനോടകം നിരവധി ജീവകാരുണ്യ പ്രവര്‍ത്തനങ്ങള്‍ ഊ കൂട്ടായ്മയിലൂടെ ജില്ലയില്‍ നടത്തി വന്നിട്ടുണ്ട്.ഇതിന്റെ ഭാഗമായിട്ടാണ് മാധ്യമപ്രവര്‍ത്തകര്‍ക്ക് സ്നേഹസ്പര്‍ശം സമര്‍പ്പണം എന്നപേരില്‍ ഭക്ഷ്യധാന്യക്കിറ്റുകള്‍ കൈമാറിയത്.ജില്ലയുടെ വിവിധഭാഗങ്ങളിലുള്ള പ്രാദേശിക മാധ്യമപ്രവര്‍ത്തകര്‍ക്ക് കല്‍പ്പറ്റ,മാനന്തവാടി,ബത്തേരി ഗ്ലോബല്‍ കെഎംസിസിയുടെ നേതൃത്വത്തില്‍ കിറ്റുകള്‍ അതാത് പ്രസ്‌ക്ലബ്ബുകള്‍ മുഖേനയാണ് വിതരണം ചെയ്തത്.ജില്ലാ കമ്മറ്റി ഭാരവാഹികളായ മജീദ് മണിയോടന്‍,അസീസ് കോറോം,ഹംസക്കുട്ടി നായ്ക്കട്ടി എന്നിവരാണ് പദ്ധതിക്ക് നേതൃത്വം നല്‍കിയത്.മുക്കാല്‍ ലക്ഷത്തോളം രൂപാ ചിലവില്‍ തയ്യാറാക്കിയ കിറ്റുകളാണ് വിതരണം നല്‍കിയത് .
