മക്കിയാട് ഭര്‍തൃമതിയായ യുവതിയെയും രണ്ടു കുട്ടികളെയും കാണാതായ സംഭവത്തില്‍ ഞാറലോട് വെള്ളാരം തടത്തില്‍ ഷൈജു (30)നെ പോലീസ് അറസ്റ്റു ചെയ്തു.കഴിഞ്ഞ 13 ാം തീയതി മുതല്‍ തന്റെ ഭാര്യയെയും രണ്ടു മക്കളെയും കാണാതായതായി മക്കിയാട് കപ്യാരുകുന്നേല്‍ ബിനോയി തൊണ്ടര്‍നാട് പോലീസ് സ്റ്റേഷനില്‍ പരാതി നല്‍കിയിരുന്നു.തൊണ്ടര്‍നാട് എസ് ഐ ജയപ്രകാശിന്റെ നേതൃത്വത്തിലുള്ള ടീമാണ് തൃശൂര്‍ ജില്ലയിലെ ഉള്‍പ്രദേശത്ത് നിന്നും ഷൈജുവിനെ അറസ്റ്റു ചെയ്തത്.
ഇതോടൊപ്പം ഞാറലോട് സ്വദേശിനിയും തന്റെ ഭര്‍ത്താവ് ശാരീരികമായി ഉപദ്രവിച്ചതായും തന്നെയും മക്കളെയും സംരക്ഷിക്കുന്നില്ലെന്നും പരാതി നല്‍കിയിരുന്നു. പ്രതിക്കെതിരെ ഗാര്‍ഹിക പീഡന നിയമം ജുവനൈല്‍ ജസ്റ്റിസ് ആക്റ്റ് എന്നീ കുറ്റങ്ങളാണ് ചുമത്തിയത് .എസ് ഐ വര്‍ഗീസ് സി പി ഒ മാരായ സിഡിയ ഐസക്ക്, ധനേഷ്, അബ്ദുല്‍ നാസര്‍ എന്നിവരും സംഘത്തിലുണ്ടായിരുന്നു
