തിരുനെല്ലി കുടുംബശ്രീ അന്നദായിനി പദ്ധതിയുടെ ഭാഗമായി പ്രവര്‍ത്തിക്കുന്ന രണ്ടാംഗേറ്റ് നാരങ്ങാകുന്ന് കോളനിയിലെ സാമൂഹിക അടുക്കളയ്ക്ക് വെള്ള ടാങ്ക് നല്‍കി. പഞ്ചായത്ത് പ്രസിഡന്റ് ജി. മായദേവി വിതരണ ഉദ്ഘാടനം ചെയ്തു. തിരുനെല്ലി പഞ്ചായത്തില്‍ പ്രവര്‍ത്തിച്ചു വരുന്ന 100 അടുക്കളകളില്‍ 50 എണ്ണത്തിനാണ് ആദ്യ ഘട്ടം എന്ന നിലയില്‍ ടാങ്കുകള്‍ നല്‍കിയത്. വാര്‍ഡ് മെമ്പര്‍ ഗോപി അധ്യക്ഷനായിരുന്നു.സി ഡി എസ് ചെയര്‍പേഴ്‌സണ്‍ റുഖിയ സൈനുദ്ദിന്‍, ട്രൈബല്‍ കോ ഓര്‍ഡിനേറ്റര്‍ സായ് കൃഷ്ണന്‍, എ ഡി എസ് സൗമിനി, ട്രൈബല്‍ പ്രൊജക്റ്റ് സ്റ്റാഫ് രോഹിത് രാജ് എന്നിവര്‍ പങ്കെടുത്തു
