കടുവയെ തുരത്തുന്നതിനിടെ കടുവയുടെ ആക്രമണത്തില്‍ രണ്ട് വനപാലകര്‍ക്ക് പരിക്കേറ്റു. ചെതലയം റെയ്ഞ്ചര്‍ ശശികുമാര്‍, ഡ്രൈവര്‍ മാനുവല്‍ എന്നിവര്‍ക്കാണ് പരിക്കേറ്റത് വെള്ളിയാഴച വൈകിട്ട് 6 മണിയോടെ ആനപ്പാറ പള്ളിച്ചിറയില്‍ വച്ചായിരുന്നു ആക്രമണമുണ്ടായത്. പരിക്കേറ്റ ഇവരെ ബത്തേരി താലുക്ക് ആശുപത്രിയില്‍ പ്രവേശിപ്പിച്ചു.പ്രത്യേക സ്‌ക്വാഡുകളായി തിരിഞ്ഞ് കടുവയെ കൃഷിയിടത്തില്‍ നിന്ന് ഉള്‍വനത്തിലേക്ക് തുരുത്തുന്നതിനിടെയാണ് അപ്രതിക്ഷിതമായി കടുവ വനപാലകരെ ആക്രമിച്ചത്.
വ്യാഴാഴ്ച പള്ളിച്ചിറ രാമകൃഷ്ണന്റെ തൊഴുത്തില്‍ കെട്ടിയ പശു കിടാവിനെ കടുവ ആക്രമിച്ച് കൊന്നിരുന്നു ഇതിനെ തുടര്‍ന്ന് വനം വകുപ്പ് ക്യാമറ സ്ഥാപിച്ചിരുന്നു.തുടര്‍ന്ന് കടുവയുടെ സാന്നിധ്യം പ്രദേശത്ത് ഉണ്ടെന്ന് കണ്ടെത്തിയതിനെ തുടര്‍ന്നാണ് വനം വകുപ്പിന്റെ കുടുതല്‍ സംഘം സ്ഥലത്തെത്തിയത്.
