ഹയര്‍ സെക്കണ്ടറി ഏകജാലക പ്രവേശനത്തിന് സഹായമൊരുക്കുക, ജില്ലയില്‍ പത്താംതരം പൂര്‍ത്തീകരിച്ച മുഴുവന്‍ വിദ്യാര്‍ത്ഥികള്‍ക്കും പ്ലസ് വണ്‍ ഓണ്‍ലൈന്‍ രജിസ്‌ട്രേഷന് പിന്തുണയൊരുക്കുക, പട്ടികവര്‍ഗ്ഗ വിദ്യാര്‍ത്ഥികളുടെ സമ്പൂര്‍ണ്ണ പ്രവേശനം ഉറപ്പ് വരുത്തുക എന്ന ലക്ഷ്യത്തോടെ പൊതു വിദ്യാഭ്യാസ വകുപ്പ് ഹയര്‍ സെക്കണ്ടറി വിഭാഗം കരിയര്‍ ഗൈഡന്‍സ് ആന്റ് അഡോളസെന്റ് കൗണ്‍സിലിംഗ് സെല്ലും, നാഷണല്‍ സര്‍വീസ് സ്‌കീമും സംയുക്തമായി ജില്ലയില്‍ നടപ്പിലാക്കുന്ന പദ്ധതിയാണ് മിഷന്‍ +1. പദ്ധതിയുടെ ജില്ലാ തല ഉദ്ഘാടനം വിദ്യാഭ്യാസ വകുപ്പ് മന്ത്രി സി രവീന്ദ്രനാഥ് നിര്‍വഹിച്ചു.അഡ്മിഷന്‍ ആരംഭിക്കുന്ന മുറയ്ക്ക് എല്ലാ ഹയര്‍ സെക്കന്ററി വിദ്യാലയങ്ങളിലും കോവിഡ് 19 മാനദണ്ഡങ്ങള്‍ പാലിച്ചുകൊണ്ട് ഹെല്പ്‌ഡെസ്‌കുകള്‍ പ്രവര്‍ത്തിക്കും.
