സ്വര്‍ണ്ണക്കടത്ത് കേസ്സിലെ പ്രതികളായ സ്വപ്നസുരേഷിനെയു, സന്ദീപ് നായരെയും കാത്ത് മുത്തങ്ങയില്‍ മാധ്യമ പ്രവര്‍ത്തകര്‍ കാത്തിരുന്നത് മണിക്കൂറുകളോളം. ബംഗ്ളൂരൂവില്‍ എന്‍ഐഎയുടെ പിടിയിലായ ഇവരെ മുത്തങ്ങ വഴി കൊച്ചിയിലേക്ക് കൊണ്ടുപോകുമെന്ന വിവരത്തെ തുടര്‍ന്നാണ് രാവിലെ മുതല്‍ തകരപ്പാടിയില്‍ മാധ്യമപ്പട കാത്തുനിന്നത്. ഒടുവില്‍ വാളയാര്‍ വഴി പ്രതികളെ കൊണ്ടുപോയി എന്ന വിവരം ലഭിച്ചതോടെയാണ് മാധ്യമപ്രവര്‍ത്തകര്‍ മടങ്ങിയത്.
