കല്പ്പറ്റ: സ്വര്‍ണ്ണ കടത്തു കേസിലെ പ്രധാന പ്രതി സ്വപ്ന സുരേഷിനെ കിട്ടാന്‍ ക്ലിഫ് ഹൗസില്‍ മാത്രം പരിശോധന നടത്തിയാല്‍ മതിയാവുമെന്ന് യൂത്ത് ലീഗ് സംസ്ഥാന സീനിയര്‍ വൈസ് പ്രസിഡണ്ട് നജീബ് കാന്തപുരം പ്രസ്താവിച്ചു. മുഖ്യമന്ത്രിയുടെ ഓഫീസ് രാജ്യദ്രോഹികളുടെയും കള്ളക്കടത്തുകാരുടെ ഒളിത്താവളമായി മാറിയിരിക്കുകയാണ്. ജില്ലാ യൂത്ത് ലീഗ് സംഘടിപ്പിച്ച കലക്ടറേറ്റ് മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് കെ ഹാരിസ് അദ്ധ്യക്ഷത വഹിച്ചു. സംസ്ഥാന വൈസ് പ്രസിഡന്റ് പി ഇസ്മയില് മുഖ്യപ്രഭാഷണം നടത്തി.
