കൊവിഡ് കാലത്തും സുല്‍ത്താന്‍ ബത്തേരി ടൗണില്‍ അനധികൃത പാര്‍ക്കിംഗ്; കടുത്ത നടപടിയുമായി പോലീസ്. നോപാര്‍ക്കിംഗ് ഏരിയയില്‍ പാര്‍ക്ക് ചെയ്ത വാഹനങ്ങള്‍ക്ക് പൂട്ടിട്ടാണ് പോലീസ് നടപടി കടുപ്പിച്ചിരിക്കുന്നത്. സുല്‍ത്താന്‍ ബത്തേരി ടൗണില്‍ ചുങ്കം മുതല്‍ അസംപ്ഷന്‍ വരെയുള്ള ഭാഗത്താണ് അനധികൃത പാര്‍ക്കിംഗ് വര്‍ധിക്കുന്നത്. റോഡിന് ഇരുവശവും യാതൊരു മാനദണ്ഡങ്ങളും പാലിക്കാതെയാണ് അനധികൃത പാര്‍ക്കിംഗ്. കൊവിഡ് 19 പശ്ചാതലത്തില്‍ പോലിസിന്റെ ഇടപെടലും കുറഞ്ഞതോടെയാണ് നോപാര്‍ക്കിംഗ് ബോര്‍ഡിന് താഴെവരെ പാര്‍്ക്കിംഗ് നടക്കുന്നത്. ഇതു പലപ്പോഴും ടൗണില്‍ ഗതാഗത കുരുക്കിനും കാരണമാകുന്നുണ്ട്. ഈ സാഹചര്യത്തിലാണ് പൊലിസ് കര്‍ശന നടപടികളുമായി രംഗത്തെത്തിയിരിക്കുന്നത്. ഇത്തരത്തില്‍ പാര്‍ക്ക് ചെയ്യുന്ന വാഹനങ്ങള്‍ക്ക് പൂട്ടിട്ടും പിഴ ഈടാക്കിയുമാണ് പൊലിസ് നടപടികള്‍ കടുപ്പിച്ചിരിക്കുന്നത്.
