അന്തര്‍ സംസ്ഥാന പാത കുട്ട തോല്‍പ്പെട്ടിയില്‍ റോഡ് കമ്പിവേലി കെട്ടി അടച്ചതില്‍ പ്രതിഷേധം ശക്തമാവുന്നു. കര്‍ണാടക സര്‍ക്കാരിന്റെ നടപടി അംഗീകരിക്കാന്‍ കഴിയില്ലെന്ന് ഒ.ആര്‍.കേളു എം.എല്‍.എ, കുടക് ജില്ലാ ഭരണകൂടത്തിന്റെ തീരുമാനം പിന്‍വലിക്കണമെന്ന് മാനന്തവാടി മര്‍ച്ചന്റ് അസോസിയേഷന്‍ പ്രസിഡന്റ് കെ.ഉസ്മാന്‍. ലോക്ക് ഡൗണ്‍ പ്രഖ്യാപിച്ചപ്പോള്‍ മുന്‍പ് മണ്ണിട്ട് അടച്ച റോഡ് ഇന്നലെയാണ് കുടക് ജില്ലാ ഭരണകൂടം കമ്പിവേലി തീര്‍ത്ത് റോഡ് വീണ്ടും അടച്ചത്.കുടക് ഭരണകൂടത്തിന്റെ ഈ നടപടി അംഗീകരിക്കാന്‍ കഴിയില്ല അടിയന്തരമായി ഈ വിഷയത്തില്‍ വയനാട് ജില്ലാ ഭരണകൂടം ഇടപ്പെടണം. റോഡ് അടച്ചത് സംബദ്ധിച്ച് സംസ്ഥാന സര്‍ക്കാരിന്റെ ശ്രദ്ധയില്‍പ്പെടുത്തുമെന്നും പ്രശ്‌ന പരിഹാരത്തിന് ശ്രമിക്കുമെന്നു ഒ.ആര്‍.കേളു എം.എല്‍.എ.പറഞ്ഞു. റോഡ് കമ്പിവേലി കെട്ടി തിരിച്ചത് പ്രതിഷേധാര്‍ഹം തന്നെയാണ് മാനന്തവാടിയിലെ കര്‍ഷകരെയും വ്യാപാരികളെയും പ്രതികൂലമായി ബാധിക്കുകയും ചെയ്യും. സംസ്ഥാന സര്‍ക്കാരിന്റെ അടിയന്തര ശ്രദ്ധ ഇക്കാര്യത്തില്‍ ഉണ്ടാവണമെന്നും മാനന്തവാടി മര്‍ച്ചന്റ് അസോസിയേഷന്‍ പ്രസിഡന്റ് കെ.ഉസ്മാന്‍ പറഞ്ഞു
