KalpattaNewsround 80 കടന്ന് പെട്രോൾ; കൊള്ള തുടരുന്നു By admin On Jun 23, 2020 0 Share രാജ്യത്തെ ജനങ്ങളെ ദുരിതത്തിലാക്കി തുടർച്ചയായ 17ാം ദിവസവും ഇന്ധന വില വർധിപ്പിച്ചു. കഴിഞ്ഞ രണ്ടു ദിവസങ്ങളിലായി പെട്രോളിന് 52 പൈസയും ഡീസലിന് 1.07 രൂപയുമാണ് വർധിച്ചത്. ഇതോടെ സംസ്ഥാനത്ത് പെട്രോൾ വില 80 രൂപ കടന്നു. തിരുവനന്തപുരത്ത് പെട്രോളിന് 81.28 രൂപയും ഡീസലിന് 76.12 രൂപയുമാണ് തിങ്കളാഴ്ച രാത്രിയിലെ വില. കൊച്ചിയിൽ ചൊവ്വാഴ്ച മുതൽ ലിറ്റർ പെട്രോളിന് 80.02 ഉം ഡീസലിന് 75.27 രൂപയും നൽകണം. 17 ദിവസത്തിനിടെ പെട്രോളിന് എട്ടു രൂപ 52 പൈസയും ഡീസലിന് ഒമ്പത് രൂപ 50 പൈസയുമാണ് എണ്ണക്കമ്പനികൾ കൂട്ടിയത്. നികുതി കൂടി ചേരുമ്പോൾ പല സംസ്ഥാനങ്ങളിലും ഈ നിരക്കിലും വ്യത്യാസം ഉണ്ടാവും. ലോക്ഡൗൺ ഇളവുകൾ പ്രഖ്യാപിച്ച ജൂൺ ഏഴു മുതലാണ് വില വർധിപ്പിക്കാൻ തുടങ്ങിയത്. നാലര മാസത്തിനിടെ ഏറ്റവും കൂടിയ നിരക്കിലാണിപ്പോൾ ഇന്ധന വില. ആഗോളതലത്തിൽ അസംസ്കൃത എണ്ണവില ഇടിയുമ്പോഴും കേന്ദ്രസർക്കാർ എക്സൈസ് ഡ്യൂട്ടി മൂന്നു രൂപ വർധിപ്പിച്ചതാണ് വില ഉയരുന്നതിന് കാരണം. 0 Share FacebookTwitterGoogle+ReddItWhatsAppPinterestEmail
