വായനദിനത്തോട് അനുബന്ധിച്ച് പൂമല ഗവ.എല്‍പിസ്‌കൂള്‍ മണിച്ചിറ ടൗണില്‍ ആരംഭിച്ച ചങ്ങാതിക്കൂട്ടം വായന ഗ്രാമത്തിലേക്ക് ഗാന്ധി ദര്‍ശന്‍ വേദിയുടെ നേതൃത്വത്തില്‍ പുസ്തകങ്ങള്‍ എത്തിച്ചുനല്‍കി. വിദ്യാലയത്തിലെ മുന്‍ അധ്യാപകനും ദേശീയ അധ്യാപക അവാര്‍ഡ് ജേതാവുമായി കുര്യക്കോസ് ആന്റണിയും ഭാരവാഹികളുമാണ് പുസ്തകങ്ങള്‍ കൈമാറിയത്. ചടങ്ങില്‍ ജോയിച്ചന്‍ വര്‍ഗ്ഗീസ് അധ്യക്ഷനായിരുന്നു. വിദ്യാലയ വായന ദിനപരിപാടി കൗണ്‍സിലര്‍ പി. പി അയ്യൂബ് ഓണ്‍ലൈനായി ഉദ്ഘാടനം ചെയ്തു.
