പടിഞ്ഞാറത്തറ തെങ്ങുംമുണ്ട ജിഎല്‍പി സ്‌കൂള്‍ വളപ്പില്‍ ക്വാറന്റെയിന്‍ മാലിന്യം തള്ളിയതിനെതിരെ പ്രതിഷേധം വ്യാപകമാകുന്നതിനിടെ പഞ്ചായത്ത് പ്രസിഡണ്ടിന്റെ പ്രത്യേക അധികാരം ഉപയോഗിച്ച് ഹെഡ്മാസ്റ്ററെ സസ്‌പെന്‍ഡ് ചെയ്യാന്‍ ഉത്തരവിറക്കി. തെങ്ങുംമുണ്ട ജിഎല്‍പി സ്‌കൂള്‍ ഹെഡ്മാസ്റ്റര്‍ പി കെ സുരേഷിനെ ആണ് സസ്‌പെന്‍ഡ് ചെയ്യാന്‍ പടിഞ്ഞാറത്തറ പഞ്ചായത്ത് പ്രസിഡണ്ട് ഉത്തരവിറക്കിയത്. പഞ്ചായത്തീരാജ് നിയമത്തിന്റെ പിന്‍ബലത്തിലാണ് ഉത്തരവ്. എന്നാല്‍ ഹെഡ്മാസ്റ്റര്‍ ഉത്തരവ് കൈ പറ്റിയിട്ടില്ല.
