ഇഞ്ചികൃഷിയില്‍ നിന്നും ലഭിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കി കര്‍ഷകന്‍. പുത്തന്‍കുന്ന് പാണ്ടിയത്ത് വീട്ടില്‍ സി. എന്‍ ബാലകൃഷ്ണനാണ് ഇഞ്ചികൃഷിയില്‍ നിന്നും ലഭിച്ച 5000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കാനായി നഗരസഭ ചെയര്‍മാന്‍ റ്റി. എല്‍ സാബുവിന് കൈമാറിയത്. കൃഷിമാത്രം വരുമാന മാര്‍ഗ്ഗമുള്ള സി. എന്‍ ബാലകൃഷ്ണന്‍ തന്നേക്കാള്‍ ദുരിതമനുഭവിക്കുന്നവര്‍ക്ക് സര്‍ക്കാര്‍ നല്‍കുന്ന ആശ്വാസ പ്രവര്‍ത്തിയില്‍ തുണയാവുക എന്ന ലക്ഷ്യത്തോടെയാണ് തുക കൈമാറിയതെന്ന് അദ്ദേഹം പറഞ്ഞു. ചടങ്ങില്‍ വികസന കാര്യ സ്റ്റാന്റിംഗ് കമ്മറ്റി ചെയര്‍മാന്‍ സി.കെ സഹദേവന്‍, നഗരസഭ സൂപ്രണ്ട് ജേക്കബ് ജോര്‍ജ്് എന്നിവര്‍ പങ്കെടുത്തു.
