കമ്പളക്കാട്:ജില്ലാ പോലീസ്മേധാവിയുടെ നിര്‍ദ്ദേശപ്രകാരം കമ്പളക്കാട് സ്റ്റേഷന്‍ പരിധിയിലെ അതിഥി തൊഴിലാളികള്‍ക്ക്സി.ആര്‍.പി.എഫ് ജവാന്മാരുടെ സഹകരണത്തോടെബോധവത്ക്കരണം നല്‍കി.അതിഥി തൊഴിലാളികളോട് അവരുടെ പ്രശ്‌നങ്ങള്‍ ബംഗാളി, ഹിന്ദി, ഒറിയ , ഭോജ്പുരി തുടങ്ങിയ ഭാഷകളില്‍ ചോദിച്ചു മനസിലാക്കുകയും,സര്‍ക്കാരിന്റെ മാര്‍ഗനിര്‍ദ്ദേശങ്ങള്‍ പറഞ്ഞു മനസിലാക്കുകയും ചെയ്തു.കണ്ണൂരില്‍ നിന്നുള്ള സി.ആര്‍.പി.എഫ്ഉദ്യോഗസ്ഥരായ രഞ്ജിത്ത് റോയ്,യു.കെ. ഹാപത്രോ,ഡി.കെ.തിവാരി എന്നിവര്‍ അതിഥി തൊഴിലാളികളുമായി സംസാരിച്ചു.കമ്പളക്കാട് സ്റ്റേഷന്‍ ഇന്‍സ്പെക്ടര്‍ എം.വി.പളനി,എ.എസ്.ഐ ദാമോദരന്‍ ചീക്കല്ലൂര്‍,പോലീസ് ഉദ്യോഗസ്ഥനായ കെ.നിസാര്‍ എന്നിവര്‍ ബോധവത്ക്കരണത്തിന് നേതൃത്വംനല്‍കി.
