ലോക്ക് ഡൗണ്‍ കാരണം വന്‍ സാമ്പത്തിക നഷ്ടം നേരിടുന്ന വ്യാപാരികള്‍ക്ക് സഹായം നല്‍കണമെന്നാവശ്യപ്പെട്ട് സി.കെ.ശശീന്ദ്രന്‍ എം എല്‍ എ മുഖ്യമന്ത്രിക്ക് നിവേദനം നല്‍കി. ഇതു സംബന്ധിച്ച് ഉചിതമായ നടപടി സ്വീകരിക്കാന്‍ ചീഫ് സെക്രട്ടറിക്ക് മുഖ്യമന്ത്രി നിര്‍ദ്ദേശം നല്‍കി .വളരെ ചെറിയ സഹായം പോലും തങ്ങള്‍ക്ക് ഏറെ ആശ്വാസപ്രദമാകുമെന്ന് കാണിച്ച് വ്യാപാരി വ്യവസായി സമിതി ജില്ലാ സെക്രട്ടറി വി.കെ.തുളസിദാസ് എംഎല്‍എയ്ക്ക് നിവേദനം നല്‍കിയിരുന്നു.വ്യാപാരികള്‍ക്ക് ധനസഹായം വിഷയത്തില്‍ ഇടപ്പെടല്‍ നടത്തി സര്‍ക്കാരിന്റെ യും മുഖ്യമന്ത്രിയുടേയും ശ്രദ്ധയില്‍ കൊണ്ടുവന്ന സി.കെ.ശശീന്ദ്രന്‍ എംഎല്‍എയേയും ഉചിതമായ നടപടി സ്വീകരിക്കാന്‍ ചീഫ് സെക്രട്ടറിയെ ചുമതലപ്പെടുത്തുകയും ചെയ്ത മുഖ്യമന്ത്രിയേയും കേരള സംസ്ഥാന വ്യാപാരി വ്യവസായി സമിതി ജില്ലാ സെക്രട്ടറി വി.കെ.തുളസിദാസ് അഭിനന്ദിച്ചു.
