ലോക്ക് ഡൗണിനെ തുടര്‍ന്ന് കര്‍ണാടകയില്‍ കൃഷിപ്പണിക്ക് പോയി നാട്ടിലേക്ക് തിരികെയെത്താന്‍ കഴിയാതെ കുടുങ്ങി കിടക്കുന്ന മലയാളികളായ കര്‍ഷകരെ സംരക്ഷിക്കണമെന്നാവശ്യപ്പെട്ട് മുഖ്യമന്ത്രിക്കും ചീഫ് സെക്രട്ടറിക്കും, പ്രതിപക്ഷ നേതാവിനും കത്തയച്ചതായി എംഎല്‍എ ഐ. സി ബാലകൃഷ്ണന്‍ പറഞ്ഞു. കര്‍ണാടക സര്‍ക്കാറുമായി സംസാരിച്ച് ഇവരെ അവിടെതന്നെ സംരക്ഷിക്കാനുള്ള നടപടിയാവശ്യപ്പെട്ടാണ് കത്തയച്ചിരിക്കുന്നത്. കര്‍ണാടകയില്‍ മലയാളികളായ കര്‍ഷകര്‍ പ്രദേശികമായ എതിര്‍പ്പടക്കമുള്ള ബുദ്ധുമുട്ടുകള്‍ നേരിടുന്നത് ശ്രദ്ധയില്‍ പെട്ടതിന്റെ അടിസ്ഥാനത്തിലാണ് കത്തയിച്ചിരിക്കുന്നതെന്നും കര്‍ഷകരെ ലോക്ക്ഡൗണ്‍ കഴിയുന്നതുവരെ അവിടെതന്നെ സംരക്ഷിക്കാന്‍ കര്‍ണാടക സര്‍ക്കാര്‍ ഇടപെടുന്നതിന്നുള്ള ശ്രമങ്ങള്‍ സംസ്ഥാനസര്‍ക്കാര്‍ കൈകൊളളുമെന്ന പ്രതീക്ഷയാണുള്ളതെന്നും എം.എല്‍.എ പറഞ്ഞു
