പ്രതിരോധ കുത്തിവെപ്പുകളുടെ പ്രാധാന്യം വിശദീകരിക്കുന്ന മിഷന്‍ ഇന്ദ്രധനുഷ് ദൗത്യം സമാപിച്ചു. ഒരാഴ്ചയാണ് ജില്ലയിലെ വിവിധയിടങ്ങളില്‍ പ്രതിരോധ കുത്തിവെപ്പ് ബോധവല്‍ക്കരണ പരിപാടികള്‍ നടന്നത്. കല്‍പ്പറ്റ എം.സി ഓഡിറ്റോറിയത്തില്‍ സമാപന ശില്‍പ്പശാല ജില്ലാ പഞ്ചായത്ത് പ്രസിഡന്റ് കെ.ബി. നസീമ ഉദ്ഘാടനം ചെയ്തു. ഡി.എം.ഒ. ഡോ. ആര്‍. രേണുക, ആരോഗ്യ കേരളം ജില്ലാ പ്രോഗ്രാം മാനേജര്‍ ഡോ ബി. അഭിലാഷ്, വയനാട് വാക്സിന്‍ കോള്‍ഡ് ചെയിന്‍ മാനേജര്‍ സൈമണ്‍ ജോര്‍ജ്ജ് തുടങ്ങിയവര്‍ ക്ലാസുകള്‍ എടുത്തു. ആരോഗ്യ ബോധവല്‍ക്കരണ പ്രദര്‍ശനവും കലാപരിപാടികളും മത്സരങ്ങളും പരിപാടിയുടെ ഭാഗമായി സംഘടിപ്പിച്ചു.
