നിരോധിത പുകയില ഉല്‍പ്പന്നങ്ങളുമായി മുത്തങ്ങയില്‍ രാജസ്ഥാന്‍ സ്വദേശി പിടിയില്‍.ലാല്‍സിംഗ്(43)ആണ് പിടിയിലായത്.ഇയാളില്‍ നിന്ന് ഹാന്‍സടക്കം 30 കിലോ നിരോധിത പുകയില ഉല്‍പ്പന്നങ്ങളാണ് പിടികൂടിയത്. തിങ്കളാഴ്ച രാത്രിയില്‍ മുത്തങ്ങ എക്സൈസ് ചെക്ക് പോസ്റ്റില്‍ നടത്തിയ വാഹന പരിശോധനയിലാണ് കര്‍ണ്ണാടക സ്‌കാനിയ ബസ്സില്‍ നിന്നും ഇയാളെ പിടികൂടിയത്. പാര്‍സല്‍ കെട്ടുകളായും ബാഗുകളിലുമായാണ് നിരോധിത പുകയില ഉല്‍പ്പന്നങ്ങള്‍ ലാല്‍സിംഗ് സൂക്ഷിച്ചിരുന്നത്. ഇയാള്‍ക്കെതിരെ കേസെടുത്തു. പരിശോധനയ്ക്ക് എക്സൈസ് ഇന്‍സ്പെക്ടര്‍മാരായ എം കെ. സുനില്‍, മുഹമ്മദ് അബ്ദുല്‍ സലിം, പി ഇഒമാരായ ഗോപി, ഷാജി സിഇഒമാരായ രജിത്, ജോഷി തുമ്പാനം എന്നിവര്‍ നേതൃത്വം നല്‍കി.
