അവകാശ നിഷേധത്തിനെതിരെ ലോകഭിന്നശേഷിദിനമായ ഡിസംബര്‍ മൂന്നിന് ബധിരര്‍ കളക്ടറേറ്റ് മാര്‍ച്ചും ധര്‍ണയും നടത്തുമെന്ന് കല്‍പ്പറ്റ അസോസിയേഷന്‍ ഓഫ് ദ ഡഫ് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 2017ല്‍ പാര്‍ലമെന്റ് പാസാക്കിയ ഭിന്നശേഷി അവകാശ സംരക്ഷണ നിയമം സംസ്ഥാനത്ത് നടപ്പാക്കാതെ പി എസ് സി പരീക്ഷകളില്‍ ഭിന്നശേഷിക്കാര്‍ക്കുള്ള ഗ്രേസ് മാര്‍ക്ക്നിര്‍ത്തലാക്കിയ തടക്കമുള്ള നടപടികളില്‍ പ്രതിഷേധിച്ചാണ് മാര്‍ച്ചും ധര്‍ണ്ണയും. ജില്ലാ പഞ്ചായത്ത് പ്രസിഡന്റ് കെ ബി നസീമ ധര്‍ണ ഉദ്ഘാടനം ചെയ്യും. രാവിലെ 10 30ന് കല്‍പ്പറ്റ ഗവ. ആശുപത്രിക്ക് സമീപത്ത് നിന്നും ആരംഭിക്കുന്ന മാര്‍ച്ചില്‍ 500ലധികം പേര്‍ പങ്കെടുക്കുമെന്നും ഭാരവാഹികള്‍ അറിയിച്ചു. വാര്‍ത്താസമ്മേളനത്തില്‍ കെ പ്രകാശന്‍, കെ സുഹൈല്‍, എ കെ സന്തോഷ് എന്നിവര്‍ പങ്കെടുത്തു.
