ജില്ലാ സ്‌കൂള്‍ കായിക മേളയില്‍ മീനങ്ങാടി ജി വി എച്ച് എസ് എസ് ജേതാക്കളായി. 104 പോയിന്റ് നേടിയാണ് മീനങ്ങാടി കീരീടം ചൂടിയത്. 12 സ്വര്‍ണ്ണവും 13 വെള്ളിയും 5 വെങ്കലവും നേടിയാണ് സ്‌കൂള്‍ ജേതാക്കളായത്. രണ്ട് വര്‍ഷം മുമ്പ് നഷ്ടപ്പെട്ട കിരീടമാണ് മീനങ്ങാടി തിരികെ പിടിച്ചത്. ജില്ലാ സ്‌കൂള്‍ കായികമേളയില്‍ മീനങ്ങാടിയുടെ എഴാമത് വിജയം കൂടിയാണിത്. സീനിയര്‍ ഗേള്‍സ്, ജൂനിയര്‍ ഗേള്‍സ്, ജൂനിയര്‍ ബോയ്‌സ് എന്നിവയില്‍ ടീം ചാമ്പ്യന്‍ഷിപ്പും സ്‌കൂള്‍ കരസ്ഥമാക്കി. ഒരു വ്യക്തിഗത ചാമ്പ്യന്‍ഷിപ്പും സ്‌കൂളിന് ലഭിച്ചു. 5 വര്‍ഷമായി പൂതാടി സ്വദേശി കെ കെ മുകുന്ദനാണ് പരീശീലകന്‍. ജില്ലാ കായിക മേളയിലെ ഏറ്റവും നല്ല കായിക അധ്യാപകനുള്ള അവാര്‍ഡും മുകുന്ദന് ലഭിച്ചു.
