എസ് എസ് എഫ് സംസ്ഥാന കമ്മറ്റ് സംസ്ഥാനത്തെ ആര്‍ട്‌സ് ആന്റ് സയന്‍സ് വിദ്യാര്‍ഥികള്‍ക്കായി സംഘടിപ്പിക്കുന്ന കേരള കാമ്പസ് അസംബ്ലി നടവയല്‍ മൗണ്ട് റാസി നഗരിയില്‍ നാളെ ആരംഭിക്കുമെന്ന് ഭാരവാഹികള്‍ പനമരത്ത് വാര്‍ത്താസമ്മേളനത്തില്‍ അറിയിച്ചു.സര്‍ഗാത്മക വിദ്യാര്‍ഥിത്വം സാധ്യമാണ് എന്ന പ്രമേയത്തിലാണ് സമ്മേളനം നടക്കുന്നത്. രാവിലെ എട്ടു മണിക്ക് വെന്നിയൂര്‍ അബ്ദുറഹ്മാന്‍ മുസ് ലിയാര്‍ പതാക ഉയര്‍ത്തുന്നതോടെ പരിപാടിക്ക് തുടക്കമാകും.. സമ്മേളനത്തിന്റെ ഔപചാരിക ഉദ്ഘാടനം കേരള മുസ്ലിം ജമാഅത്ത് സംസ്ഥാന അധ്യക്ഷന്‍ കാന്തപുരം എപി അബൂബക്കര്‍ മുസ്ലിയാര്‍ ഉദ്ഘാടനം ചെയ്യും. പി ഹസന്‍ മുസ്ല്യാര്‍, എം.എല്‍.എ മാരായ ഒആര്‍ കേളു, ഐ.സി ബാലകൃഷ്ണന്‍, സി.കെ ശശീന്ദ്രന്‍, തുടങ്ങിയവര്‍ പങ്കെടുക്കും.
