സുല്‍ത്താന്‍ ബത്തേരി ഉപജില്ലാതല കായികമേള ജില്ലാ പഞ്ചായത്ത് അംഗം വര്‍ഗീസ് മുരിയന്‍ കാവില്‍ ഉദ്ഘാടനം ചെയ്തു.പുല്‍പ്പള്ളി സെന്റ് മേരീസ് ഹയര്‍ സെക്കന്‍ഡറി സ്‌കൂള്‍ ഗ്രൗണ്ടിലാണ് മത്സരങ്ങള്‍ നടക്കുന്നത്.ഗ്രാമപഞ്ചായത്ത് പ്രസിഡന്റ് ഗിരിജ കൃഷ്ണന്‍ അധ്യക്ഷയായിരുന്നു.സ്‌കൂള്‍ മാനേജര്‍ ഫാ.ചാണ്ടി പൂനക്കാട്ടില്‍ ബ്ലോക്ക് പഞ്ചായത്ത് അംഗം മേഴ്സി ബെന്നി,ഷെല്‍ജന്‍ ചാലക്കല്‍,ബാബു മരോട്ടിമുട്ടില്‍, തോമസ് എം.ഡി,ലിയോ മാത്യു എന്നിവര്‍ സംസാരിച്ചു.ഉപ ജില്ലയിലെ 196 സ്‌കൂളില്‍ നിന്നായി 4000ത്തോളം കായിക താരങ്ങളാണ് മൂന്ന് ദിവസം നീണ്ടുനില്‍ക്കുന്ന മേളയില്‍ പങ്കെടുക്കുന്നത്.
