മാനന്തവാടി ആസ്ഥാനമായി പ്രവര്‍ത്തിക്കുന്ന പ്രണവം യോഗ വിദ്യാപീഠത്തിന്റെ പുതിയ ബാച്ച് കല്‍പ്പറ്റയില്‍ പ്രവര്‍ത്തനമാരംഭിക്കുന്നതായി ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. കല്‍പ്പറ്റ വടക്കാഞ്ചേരി ഗാര്‍ഡനില്‍ നവംബര്‍ 4 തിങ്കളാഴ്ച മുതലാണ് സ്ഥാപനം പ്രവര്‍ത്തിക്കുക. ജാതിമത മത ഭേദമന്യേ എല്ലാവര്‍ക്കും മിതമായ ഫീസ് നിരക്കില്‍ യോഗ പരിശീലനം നല്‍കും. യോഗാചാര്യന്‍ ജയന്‍ പ്രവീണ്‍രാജിന്റെ നേതൃത്വത്തിലാണ് പരിശീലനം നല്‍കുക. കാട്ടിക്കുളം, കൊടുങ്ങല്ലൂര്‍, തിരുവനന്തപുരം എന്നിവിടങ്ങളിലാണ് പ്രണവം യോഗ സെന്ററിന്റെ ശാഖകള്‍ പ്രവര്‍ത്തിക്കുന്നത്.
