സംസ്ഥാന സ്‌പെഷ്യല്‍ സ്‌കൂള്‍ വോളിബോള്‍ ചാമ്പ്യന്‍ഷിപ്പ് ഈ മാസം 30, 31 തിയ്യതികളില്‍ പുല്‍പ്പള്ളി കൃപാലയ സ്‌പെഷ്യല്‍ സ്‌കൂളില്‍ നടക്കും. വിവിധ ജില്ലകളില്‍ നിന്ന് പുരുഷ-വനിതാ ടീമുകള്‍ പങ്കെടുക്കും.ചാമ്പ്യന്‍ഷിപ്പില്‍ നിന്ന് തിരഞ്ഞെടുക്കപ്പെടുന്നവരാണ് ദേശീയ ചാമ്പ്യന്‍ഷിപ്പില്‍ മത്സരിക്കുക. വയനാട്ടില്‍ ആദ്യമായാണ് സ്‌പെഷ്യല്‍ സ്‌കൂള്‍ വോളിബോള്‍ സംസ്ഥാന ചാമ്പ്യന്‍ഷിപ്പ് നടക്കുന്നത്. 250-തോളം താരങ്ങള്‍ മത്സരത്തില്‍ പങ്കെടുക്കും.പരിപാടിയുടെ വിജയത്തിനായി സ്വാഗതസംഘം രൂപീകരിച്ചു. സിസ്റ്റര്‍ ജെസി മാങ്ങോട്ടില്‍ ചെയര്‍മാനായും ടി. യു ഷിബു ജനറല്‍ കണ്‍വീനറായും കമ്മിറ്റി രുപികരിച്ചു. യോഗത്തില്‍പ്രിന്‍സിപ്പാള്‍ സിസ്റ്റര്‍ ആന്‍സ് മരിയ അധ്യക്ഷനായിരുന്നു. പി.എ. ഡീവന്‍സ്, ഷിബു തേന്‍കുന്നേല്‍, സിസ്റ്റര്‍ ജെസി മാങ്ങോട്ടില്‍, സാജു കൊച്ചുകുടിയില്‍ എന്നിവര്‍ സംസാരിച്ചു.
