വൈത്തിരി തരുവണ റോഡില്‍ കപ്പുണ്ടിക്കല്‍ ബാണാസുര ഡാം ജങ്ഷനില്‍ കലുങ്ക് തകര്‍ന്നത് വന്‍ അപകട ഭിഷണിയാകുന്നു. കനത്ത മഴയെ തുടര്‍ന്ന് കുത്തൊഴുക്കില്‍ സ്ലാബ് ഉറപ്പിച്ചു നിര്‍ത്തിയ ഭാഗം ഇടിഞ്ഞതാണ് തകര്‍ച്ചയ്ക്കു കാരണം. കല്‍പ്പറ്റ റോഡ് തകര്‍ന്നതോടെ വാഹന തിരക്കേറിയ ഇതുവഴി അയല്‍ ജില്ലകളിലേ ക്കുള്ള നിരവധി വാഹനങ്ങളും കടന്ന് പോകുന്നുണ്ട്.ബാണാസുര ഡാമിലേയ്ക്കുള്ള വാഹനങ്ങളും എത്തുന്നതോടെ ഇവിടെ വാഹനത്തിരക്ക് പതിവാണ്. വലിയ വാഹനങ്ങള്‍ ഇതു വഴി പോകുന്നത് അപകട സാധ്യത ഏറെ വര്‍ധിപ്പിക്കുകയാണ്.നാട്ടുകാര്‍ താത്കാലികമായി രണ്ട് ടാര്‍ ട്ടിന്‍ റോഡില്‍ എടുത്തു വച്ചു എന്ന് അല്ലാതെ മറ്റു അപകട സൂചനാ സംവിധാനങ്ങളൊന്നും ഇവിടെ ഏര്‍പ്പെടുത്തിയിട്ടില്ല.
