പുല്‍പ്പള്ളി പാക്കത്ത് വീടിനോട് ചേര്‍ന്നുള്ള ഷെഡ്ഡില്‍ പ്രവര്‍ത്തിച്ചിരുന്ന വ്യാജവാറ്റു കേന്ദ്രം തകര്‍ത്തു. ചാരായം വാറ്റുവാന്‍ പാകപ്പെടുത്തിയ 120 ലിറ്റര്‍ വാഷും, വാറ്റിവെച്ചിരുന്ന 10 ലിറ്റര്‍ ചാരായവും വാറ്റുപകരണങ്ങളും കണ്ടെടുത്തു.സംഭവവുമായി ബന്ധപ്പെട്ട് പാറവളപ്പില്‍ വീട്ടില്‍ മുകുന്ദന്‍(59) എന്നയാളെ അറസ്റ്റ് ചെയ്തു.ഇയാള്‍ വിവാഹ ആവശ്യങ്ങള്‍ക്കും മറ്റ് പാര്‍ട്ടികള്‍ക്കും ഓര്‍ഡര്‍ അനുസരിച്ച് ചാരായം നിര്‍മ്മിച്ചു നല്‍കുകയാണ് ചെയ്തു വന്നിരുന്നത്.പ്രതിയെ കോടതിയില്‍ ഹാജരാക്കി റിമാണ്ട് ചെയ്തു അസിസ്റ്റന്റ് എക്‌സൈസ് ഇന്‍സ്‌പെക്ടര്‍ വി.കെ. മണികണ്ഠന്റെ നേത്യത്വത്തില്‍ നടത്തിയ പരിശോധനയില്‍ പ്രിവന്റീവ് ഓഫീസര്‍ ജി.അനില്‍കുമാര്‍,സിവില്‍ എക്‌സൈസ് ഓഫീസര്‍മാരായ ഹരിദാസന്‍,അനില്‍കുമാര്‍ ,അനീഷ് എ.എസ്,അമല്‍ തോമസ്,സുധീഷ്,ബിനു,ശിവന്‍,സോമന്‍ വനിത സിവില്‍ എക്‌സൈസ് ഓഫീസര്‍ ജലജ,ഡ്രൈവര്‍ ചാക്കോ എന്നിവര്‍ പങ്കെടുത്തു.
