പിണങ്ങോട് ദയ ഗ്രന്ഥശാല, പാലിയേറ്റീവ് യൂണിറ്റിന്റെ ആഭിമുഖ്യത്തില്‍ ഗ്രന്ഥശാല സംഘത്തിന്റെ 75-ാം ജന്മദിനത്തില്‍ ഗ്രന്ഥശാല ദിനാചരണം നടത്തി.ദയ ബാലവേദിയുടെ നേതൃത്വത്തില്‍ കുട്ടികള്‍ക്കായി വിവിധ മത്സര പരിപാടികളും ഓണാഘോഷ പരിപാടികളും സംഘടിപ്പിച്ചു. വിഭവ സമൃദമായ ഓണസദ്യയും ഉണ്ടായിരുന്നു. വൈകുന്നേരം ഗ്രന്ഥശാലയില്‍ 75 ദീപങ്ങള്‍ തെളിയിച്ചു. ഗ്രന്ഥശാല പ്രസിഡന്റ് ഷാഹിന പി കെ പരിപാടി ഉദ്ഘാടനം ചെയ്തു. പാലിയേറ്റീവ് ചെയര്‍മാന്‍ കെ അബൂബക്കര്‍, പി സി സജീവ്, ജലീല്‍, സാലിഹ്, ഗീത കരുണാകരന്‍ എന്നിവര്‍ പരിപാടിക്ക് നേതൃത്വം നല്‍കി.
