നൂല്‍പ്പുഴ കല്ലൂര്‍ ഗവണ്‍മെന്റ് ഹയര്‍സെക്കണ്ടറി സ്‌കൂളിലെ ഗോത്രവിഭാഗവിദ്യാര്‍ത്ഥികള്‍ക്ക് വനംവകുപ്പിന്റെ നേതൃത്വത്തില്‍ പഠനോപകരണങ്ങള്‍വിതരണം ചെയ്തു. സുല്‍ത്താന്‍ബത്തേരി റെയിഞ്ച് ഓഫീസിന്റെ നേതൃത്വത്തില്‍ സ്‌കൂളില്‍ നടന്ന ചടങ്ങില്‍ പഠനോപകരണങ്ങളുടെ വിതരണോദ്ഘാടനം ബത്തേരി റെയിഞ്ച് അസിസ്റ്റന്റ് വൈല്‍ഡ്ലൈഫ് വാര്‍ഡന്‍ രമ്യാ രാഘവന്‍ നിര്‍വ്വഹിച്ചു. ദീപ നിശാന്ത് അധ്യക്ഷയായിരുന്നു. ഫോറസ്റ്റ് ഓഫീസര്‍മാരായ മുസ്തഫ സാദിഖ്, കെ. ബീരാന്‍, പി. റ്റി. എ പ്രസിഡണ്ട് ചന്ദ്രപാണി, പ്രധാന അധ്യാപിക നിഷ തുടങ്ങിയവര്‍ സംസാരിച്ചു. നോട്ടുപുസ്തകങ്ങളും കുടകളുമാണ് വിദ്യാര്‍ത്ഥികള്‍ക്ക് വിതരണം ചെയ്തത്.
