കേരള പ്രിന്റേഴ്സ് അസോസിയേഷന്‍ വയനാട് ജില്ലാ സമ്മേളനം ബത്തേരിയില്‍ സംഘടിപ്പിച്ചു. ബത്തേരി വില്‍ട്ടണ്‍ കോണ്‍ഫറന്‍സ് ഹാളില്‍ പരിപാടി ബത്തേരി നഗരസഭ ചെയര്‍മാന്‍ റ്റി. എല്‍ സാബു ഉദ്ഘാടനം ചെയ്തു. അസോസിയേഷന്‍ ജില്ലാ പ്രസിഡണ്ട് വി. പി രത്നരാജ് അധ്യക്ഷനായിരുന്നു. ജില്ലാ സെക്രട്ടറി കെ. സി കൃഷ്ണന്‍കുട്ടി, സംസ്ഥാന ജനറല്‍ സെക്രട്ടറി വൈ വിജയന്‍, ഒ. എന്‍ വിശ്വനാഥന്‍, ജോര്‍ജ്ജ് സേവിയര്‍, കെ. എസ് ഗിരീഷ് തുടങ്ങിയവര്‍ സംസാരിച്ചു. ചടങ്ങില്‍ മുഖ്യാതിഥികളെയും ദീര്‍ഘകാലമായി അച്ചടിമേഖലയില്‍ പ്രവര്‍ത്തിക്കുന്നവരെയും ആദരിച്ചു.
