സംസ്ഥാന സര്‍ക്കാരിന്റെ അധ്യാപക ദ്രോഹ നിലപാടുകള്‍ക്കെതിരെ കെ പി എസ് ടി എ വൈത്തിരി ഉപജില്ലാ കമ്മിറ്റിയുടെ നേതൃത്വത്തില്‍ ഉപജില്ലാ വിദ്യാഭ്യാസ ഓഫീസിന് മുന്നില്‍ കൂട്ടധര്‍ണ്ണ നടത്തി.സംസ്ഥാന വൈസ് പ്രസിഡന്റ് ടോമി ജോസഫ് ഉദ്ഘാടനം ചെയ്തു.പ്രസിഡന്റ് ഷാജു ജോണ്‍ അധ്യക്ഷനായിരുന്നു.അധ്യാപക നിയമനങ്ങള്‍ അംഗീകരിക്കുക ,ഖാദര്‍ കമ്മീഷന്‍ റിപ്പോര്‍ട്ട് നടപ്പിലാക്കുന്നത് നിര്‍ത്തിവെക്കുക, സറണ്ടര്‍ തുക തിരിച്ചുപിടിക്കാനുള നീക്കം ഉപേക്ഷിക്കുക .ശമ്പള പരിഷ്‌ക്കരണ നടപടികള്‍ ആരംഭിക്കുക തുടങ്ങി 31 ഇന ആവശ്യങ്ങളുമായാണ് ധര്‍ണ്ണ നടത്തിയത്.എം.വി രാജന്‍, കെ സത്യജിത്ത്, പി.ജെ സെബാസ്റ്റ്യന്‍ സബ് ജില്ലാ സെക്രട്ടറി അജീഷ് പി സേവ്യര്‍, ജയിംസ് ആന്റണി, ഷേര്‍ളി സെബാസ്റ്റ്യന്‍, ആല്‍ഫ്രഡ് ഫ്രെഡി, ജോണ്‍സണ്‍ ഡിസില്‍വ, ശ്രീജേഷ് ബി നായര്‍,എം.പി കെ ഗിരീഷ്, എന്‍ പി രാജീവന്‍, വി പി പ്രേംദാസ് ,അനൂപ് ടി.എം, അനില, ജാസ്മിന്‍ എന്നിവര്‍ പ്രസംഗിച്ചു.
