മാനന്തവാടി നഗരസഭയിലെ ഹരിത കര്‍മ്മ സേനാ അംഗങ്ങളെ അധിക്ഷേപിക്കുകയും ജോലിയില്‍ തടസ്സം സൃഷ്ടിക്കുകയും ചെയ്തതായി പരാതി. ഇതേകുറിച്ച് അന്വേഷണം നടത്തി നടപടി സ്വീകരിക്കണമെന്നാവശ്യപ്പെട്ട് സെക്രട്ടറിയും കര്‍മ്മ സേനാ ഭാരവാഹികളും മാനന്തവാടി സി ഐ ക്ക് പരാതി നല്‍കി.ആറാം ഡിവിഷനില്‍ വേസ്റ്റ് മാനേജ്മെന്റ് പ്രവര്‍ത്തനത്തിന്റ് ഭാഗമായി വീടുകള്‍ കയറുന്നതിനിടയില്‍ കോട്ടക്കുന്ന് വെച്ച് വാടയില്‍ കബീര്‍ എന്ന വ്യക്തി ജോലിക്ക് തടസ്സം നില്‍ക്കുകയും മറ്റ് വീട്ടുകാരെ നിരുത്സാഹപ്പെടുത്തുകയും നഗരസഭയെ നരക സഭയെന്ന് അധിക്ഷേപിക്കുകയും നഗരസഭയെയും ഹരിത കര്‍മ്മ സേനാഗങ്ങളെയും ആക്ഷേപിക്കുകയും ചെയ്തതായി പരാതിയില്‍ ബോധിപ്പിച്ചിട്ടുണ്ട്.
