പുല്‍പ്പള്ളി ചേലൂര്‍ വിം കിഡ്‌സ് ഫുട്‌ബോള്‍ ക്ലബിന് 10 ലക്ഷം രൂപ ചെലവില്‍ പുതിയതായി നിര്‍മ്മിച്ച വിം കിഡ്‌സ് യുവജന സമുച്ചയം ഐസി ബാലകൃഷ്ണന്‍ എംഎല്‍എ ഉദ്ഘാടനം ചെയ്തു. പ്രദേശത്ത് മികച്ച രീതിയില്‍ പ്രവര്‍ത്തിക്കുന്ന സ്വാശ്രയ സംഘങ്ങള്‍ക്ക് ഉപഹാര സമര്‍പ്പണവും ദേശീയ ഗ്രാമീണ തൊഴിലുറപ്പ് നൂറ് ദിനം പൂര്‍ത്തിയാക്കിയ വരെ ആദരിക്കലും കലാകായിക രംഗത്തും സൈനിക രംഗത്തും മികച്ച നേട്ടം കൈവരിച്ച വരെ ആദരിക്കല്‍ ചടങ്ങും എം എല്‍ എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ഗിരിജ കൃഷ്ണന്‍ അദ്ധ്യക്ഷയായിരുന്നു. പുരസ്‌കാര സമര്‍പ്പണം ബ്ലോക്ക് പഞ്ചായത്ത് പ്രസിഡന്റ് ടി.എസ് ദിലീപ് കുമാര്‍ നിര്‍വ്വഹിച്ചു., ജില്ലാ പഞ്ചായത്ത് അംഗം വര്‍ഗീസ് മുരിയന്‍കാവില്‍, ശിവരാമന്‍ പാറക്കുഴി, സണ്ണി ജോസഫ് എന്നിവര്‍ സംസാരിച്ചു.
