മേപ്പാടി പുത്തുമല തേയില എസ്റ്റേറ്റിലെ ഇതര സംസ്ഥാന തൊഴിലാളിയായ ചന്ദ്രസിങ്ങ് അമിത ഭായ് ദമ്പതികളുടെ മകള്‍ റോഷിനി (2)യാണ് മരിച്ചത്. കഴിഞ്ഞ ദിവസം രാത്രി 7.30 ഓടെയാണ് കുട്ടിയെ വെള്ളക്കെട്ടില്‍ മരിച്ചനിലയില്‍ കണ്ടെത്തിയത്.ജോലിക്ക് പോയ മാതാപിതാക്കള്‍ വൈകുന്നേരം തിരികെ വീട്ടിലെത്തിയപ്പോള്‍ കുട്ടിയെ കാണാനില്ലായിരുന്നു.തുടര്‍ന്ന് നടത്തിയ തിരച്ചിലിലാണ് എസ്റ്റേറ്റ് പാടിയുടെ പരിസരത്ത് 100 മീറ്റര്‍ ദൂരെയുള്ള ഉപയോഗ ശൂന്യമായ സെപ്റ്റിക് ടാങ്കിന്റെ വെള്ളക്കെട്ടില്‍ കുട്ടിയുടെ മൃതദേഹം കണ്ടെത്തിയത്. സംഭത്തില്‍ ദുരൂഹതയുണ്ടെന്ന് പ്രദേശവാസികള്‍.മേപ്പാടി പോലീസ് കേസെടുത്ത് അന്വേഷണം ആരംഭിച്ചു.
