കര്‍ഷക ആത്മഹത്യകളുടേയും, ബാങ്ക് ജപ്തികളുടേയും പശ്ചാത്തലത്തില്‍ കര്‍ഷകര്‍ക്ക് ആശ്വാസ നടപടികളുമായി സംസ്ഥാനസര്‍ക്കാര്‍.കാര്‍ഷിക കടാശ്വാസ കമ്മീഷന്‍ വഴി കര്‍ഷകരുടെ രണ്ട് ലക്ഷം രൂപ വരെയുള്ള വായ്പകള്‍ എഴുതിത്തള്ളാന്‍ മന്ത്രിസഭ യോഗം തീരുമാനിച്ചു.നിലവില്‍ സഹകരണ ബാങ്കുകളില്‍ നിന്നുള്ള വായ്പകളാണ് എഴുതിതള്ളുന്നതെന്നും,വാണിജ്യബാങ്കുകളിലെ വായ്പകളിലും ഇതേനടപടി സ്വീകരിക്കുന്ന കാര്യം ചര്‍ച്ച ചെയ്ത് വരികയാണെന്നും മന്ത്രി വിഎസ് സുനില്‍കുമാര്‍ പറഞ്ഞു.
