കെഎസ്ആര്ടിസിയുടെ ഓര്ഡിനറി സര്വീസുകളിലെ സ്ഥിരം യാത്രക്കാര്ക്ക് വേണ്ടി ഇനി മുതല് സീറ്റ് റിസര്വേഷന് സൗകര്യം ഒരുക്കുന്നു. ഇതിനായി ബസില് വച്ച് തന്നെ അഞ്ച് രൂപ വിലയുള്ള കൂപ്പന് ടിക്കറ്റുകള് കണ്ടക്ടര്മാര് യാത്രാക്കാര്ക്ക് നല്കും.
ഓര്ഡിനറി സര്വീസുകളില് യാത്ര ചെയ്യുന്ന മുതിര്ന്ന പൗരന്മാര്, വനിതകള്, ഭിന്നശേഷിക്കാര് ഉള്പ്പെടെയുള്ളവര്ക്ക് രാവിലെയുള്ള യാത്രകളില് സീറ്റുകള് ലഭിക്കുമെങ്കിലും വൈകുന്നേരമുള്ള മടക്ക യാത്രയില് സീറ്റു ലഭിക്കാറില്ല എന്ന വ്യാപക പരാതിയെ തുടര്ന്നാണ് നടപടി. രാവിലെയുള്ള ട്രിപ്പുകളില് യാത്ര ചെയ്യുന്നവര് വൈകുന്നേരങ്ങളില് തിരിച്ചുള്ള ബസുകളില് സീറ്റുകള് ഉറപ്പാക്കുന്നതിന് വേണ്ടി രാവിലെ തന്നെ കണ്ടക്ടര്മാരില് നിന്നും കൂപ്പണുകള് വാങ്ങാവുന്നതാണ്.
