കേരള പപ്പട്മാനുഫാക്‌ചേഴ്‌സ് അസോസിയേഷന്‍ നവകേരള നിര്‍മിതിയിലേക്ക് അഞ്ചുലക്ഷം രൂപ നല്‍കി. സംസ്ഥാന പ്രസിഡന്റ് എബ്രഹാം സി ജേക്കബ് മുഖ്യമന്ത്രിയുടെ ഓഫിസിലെത്തി തുക കൈമാറി. സംസ്ഥാന സെക്രട്ടറി വിനീത് പ്രാരത്ത്, സംസ്ഥാന ട്രഷറര്‍ സിമില്‍കുമാര്‍, പി.ബാലന്‍, കെ.വി.രാജന്‍, പി.എം.മനോജ്, ദിനേശ് റാവു, വി.കെ.രാജന്‍ എന്നിവര്‍ പങ്കെടുത്തു. കെപ്മ അംഗങ്ങളായ ഉല്‍പാദകര്‍ക്ക് സംഘടന നല്‍കുന്ന അംഗീകാരത്തിന്റെ അടയാളമായ മുദ്രയുടെ പ്രകാശനം ആരോഗ്യ മന്ത്രി കെ.കെ.ശൈലജ നീര്‍വഹിച്ചു. മായം ചേര്‍ത്ത് വിപണിയിലെത്തുന്ന പപ്പടങ്ങളെ നിയന്ത്രിക്കാനാണ് മുദ്ര പ്രദര്‍ശിപ്പിക്കുന്നതെന്ന് ഓണത്തോടെ മുദ്ര പതിച്ച പപ്പട പാക്കറ്റുകള്‍ വിതരണത്തിന് എത്തുമെന്നും ഭാരവാഹികള്‍ പറഞ്ഞു.
