കെ.എസ്.ഇ.ബിയുടെ കണിയാമ്പറ്റ സബ്സ്റ്റേഷനില്‍ നിന്ന് കൂട്ടമുണ്ട സബ് സ്റ്റേഷനിലേക്ക് 110 കെവി ലൈന്‍ ആക്കി മാറ്റുന്നതിന് കണിയാമ്പറ്റ മുതല്‍ കൂട്ടമുണ്ട വരെ വൈദ്യുതി ലൈനിന് താഴെ താമസിക്കുന്നവരുടെ കാര്‍ഷികവിളകള്‍ കെഎസ്ഇബി അധികൃതര്‍ മുന്നറിയിപ്പില്ലാതെ വെട്ടി മാറ്റുന്നതായി പരാതി. കാര്‍ഷിക വിളകള്‍ ഉള്‍പ്പെടെ വെട്ടി മാറ്റുമ്പോള്‍ അര്‍ഹമായ നഷ്ടപരിഹാരം നല്‍കണമെന്നിരിക്കെ ഇതുവരെയും ഒരു രൂപപോലും കെഎസ്ഇബിയില്‍ നിന്നും ലഭിച്ചിട്ടില്ലെന്ന് പ്രദേശവാസികള്‍ കല്‍പ്പറ്റയില്‍ വാര്‍ത്താസമ്മേളനത്തില്‍ പറഞ്ഞു. പലര്‍ക്കും കാര്‍ഷികവിളകള്‍ വെട്ടിമാറ്റിയതിലൂടെ വലിയ സാമ്പത്തികനഷ്ടം ഉണ്ടായിട്ടുണ്ട്. എന്നാല്‍ കെഎസ്ഇബി നാട്ടുകാരോട് സംസാരിക്കാന്‍ പോലും തയ്യാറാകുന്നില്ലെന്ന് ഇവര്‍ പറഞ്ഞു.
