മഴക്കാല രോഗങ്ങളെ പ്രതിരോധിക്കാന്‍ കൂട്ടായ പരിശ്രമം ഉണ്ടായാല്‍ മാത്രമേ പകര്‍ച്ച രോഗങ്ങളെ പ്രതിരോധിക്കാന്‍ കഴിയൂവെന്ന് പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്.ദിലീപ് കുമാര്‍. പുല്‍പ്പള്ളി പഞ്ചായത്തിലെ ഏഴ്, എട്ട് വാര്‍ഡുകളില്‍ ആളുകള്‍ക്ക് ഡെങ്കിപ്പനി കണ്ടെത്തിയതിനെ തുടര്‍ന്ന് പുല്‍പ്പള്ളി ഗ്രാമപഞ്ചായത്തിന്റെയും സാമൂഹിക ആരോഗ്യ കേന്ദ്രത്തിന്റെ നേതൃത്വത്തില്‍ നടത്തിയ രോഗ പ്രതിരോധ സെമിനാര്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഗ്രാമപഞ്ചായത്ത് പ്രസിഡന്റ് ബിന്ദു പ്രകാശ് അദ്ധ്യക്ഷയായിരുന്നു.മെഡിക്കല്‍ ഓഫീസര്‍ ഡോ.പ്രേം സുല ജലത, ബ്ലോക്ക് പഞ്ചായത്ത് അംഗം മേഴ്‌സി ബെന്നി.ഗ്രാമ പഞ്ചായത്ത് പ്രസിഡന്റ് വൈസ് പ്രസിഡന്റ് കെ.ജെ.പോള്‍, ഗ്രാമ പഞ്ചായത്ത് അംഗങ്ങളായ ശോഭന പ്രസാദ് സിന്ദു ബാബു അനില്‍ മോന്‍, സണ്ണി തോമസ് സുചിത്ര മോളി ജോര്‍ജ്, എന്നിവര്‍ പ്രസംഗിച്ചു. ഡെപ്യൂട്ടി ഡി.എം.ഒ ഡോ.നൂനമര്‍ജ ‘ഡോ.കെ.പി രാധാകൃഷ്ണന്‍ ,റോണി എന്നിവര്‍ ക്ലാസുകള്‍ക്ക് നേതൃത്വം നല്‍കി.
