കാട്ടാന തകര്‍ത്ത ചെതലയം കുറിച്യാട് കോളനിയിലെ പോളിങ് സ്റ്റേഷന്‍ ജില്ലാ നിര്‍മ്മിതികേന്ദ്രം ഒരുദിനം കൊണ്ട് പുനര്‍നിര്‍മ്മിച്ചു. തകര്‍ന്ന വാതിലുകളും ജനലുകളും മാറ്റി ഇരുമ്പ് കൊണ്ടുള്ളവ സ്ഥാപിച്ചു. ചുമരുകള്‍ തേച്ച് വൃത്തിയാക്കി സെപ്റ്റിക് ടാങ്കിന്റെയടക്കം അറ്റകുറ്റപ്പണി പൂര്‍ത്തിയാക്കി. കെട്ടിടത്തിന്റെ പെയിന്റിങ്, നെയിം ബോര്‍ഡ് സ്ഥാപിക്കല്‍ എന്നീ പ്രവൃത്തികളും നടത്തി. സുല്‍ത്താന്‍ ബത്തേരി താലൂക്കിലെ ചെതലയത്ത് നിന്നു 10 കിലോമീറ്ററിലധികം കാനനപാതയിലൂടെ യാത്ര ചെയ്താലാണ് കുറിച്യാട് കോളനിയിലെത്തുക. 58 വോട്ടര്‍മാരാണ് കോളനിയിലുള്ളത്.
