മതിയായ രേഖകളില്ലാതെ കാറില്‍ കൊണ്ടു പോകുകയായിരുന്ന 16 ലക്ഷം രൂപ ഇലക്ഷന്‍ ഫ്‌ളയിംങ് സ്‌ക്വാഡ് പിടികൂടി. ഇന്ന് ഉച്ചയോടെ മീനങ്ങാടി കൊളഗപ്പാറക്കവലയ്ക്ക് സമീപം വാഹന പരിശോധനക്കിടെയാണ് പണം പിടികൂടിയത്. മീനങ്ങാടി ഭാഗത്തു നിന്നും ബത്തേരി ഭാഗത്തേക്ക് പോകുന്ന കാറില്‍ നിന്നുമാണ് പണം കണ്ടെടുത്തത്. എക്‌സിക്യുട്ടീവ് മജിസ്‌ട്രേറ്റ് ടി.ബി. പ്രകാശ്, കെ.ആര്‍ രതീഷ്‌കുമാര്‍, പി.വി.സതീശന്‍, എം.എസ്. ശ്രീജിത്, അബ്ദുള്‍ അസീസ് എസ്.സി.പി.ഒ കെ.സുനില്‍കുമാര്‍, സി.പി.ഒ വി.എസ്.ഷിജു എന്നിവരടങ്ങുന്ന സ്‌ക്വാഡാണ് പണം പിടികൂടിയത്.
