മാനന്തവാടി സബ് ഡിവിഷന്‍ ജനമൈത്രി പോലീസിന്റെ ആഭിമുഖ്യത്തില്‍ നടന്ന ഫുട്‌ബോള്‍ ടൂര്‍ണമെന്റ് ഫൈനല്‍ മത്സരത്തില്‍ മാനന്തവാടി ജനമൈത്രി പോലീസ് ഏകപക്ഷീയമായ നാലു ഗോളുകള്‍ക്ക് തലപ്പുഴ ജനമൈത്രി പോലീസിനെ പരാജയപ്പെടുത്തി വിജയികളായി. അഡീഷണല്‍ പോലീസ് സൂപ്രണ്ട് കെ കെ മൊയ്തീന്‍കുട്ടി വിജയികള്‍ക്ക് ട്രോഫികള്‍ സമ്മാനിച്ചു. വെള്ളമുണ്ടയില്‍ നടക്കുന്ന ആരവം 2019 അഖിലേന്ത്യ സെവന്‍സ് ഫുട്‌ബോള്‍ മൈതാനിയിലായിരുന്നു മത്സരം അരങ്ങേറിയത്.
