ദുരന്തബാധിതരുടെ പുനരധിവാസത്തിനായി 20 സെന്റ് ഭൂമിയില്‍ നിന്നും അഞ്ച് സെന്റ് സൗജന്യമായി നല്‍കി കോയിക്കല്‍ ഷാജിയും കുടുംബവും. മുള്ളന്‍കൊല്ലി പഞ്ചായത്തിലെ വെട്ടിക്കക്കവലയിലുള്ള 5 സെന്റ് ഭൂമിയാണ് ഇന്‍ഡ്‌സ്ടില്‍ തൊഴിലാളിയായ ഷാജി നല്‍കുന്നത്. ദുരന്ത ബാധിതര്‍ക്ക് വീട് നിര്‍മ്മിക്കുകയെന്ന ലക്ഷ്യത്തോടെയാണ് ഭൂമി വിട്ട് നല്‍കുന്നതെന്ന് ഷാജിയും കുടുംബവും പറഞ്ഞു. കര്‍ഷക രക്ഷാ സമിതിയുടെ നേതൃത്യത്തില്‍ ഷാജിയെ വീട്ടിലെത്തി അഭിനന്ദിച്ചു. ജില്ലാ പഞ്ചായത്തംഗം ബീന ജോസ്, സുനില്‍ പാലമറ്റം, ജോണി പനച്ചിക്കല്‍, എന്നിവര്‍ നേതൃത്വം നല്‍കി.
