ലഹരികടത്ത് സംഘത്തിലെ യുവാക്കള് പിടിയില്
മലപ്പുറം സ്വദേശികളായ അരിമ്പ്ര, തോടേങ്ങല് വീട്ടില് ടി. ഫാസില്(28), പെരിമ്പലം, കറുകയില് വീട്ടില് കിഷോര്(25) എന്നിവരെയാണ് മാനന്തവാടി ഇന്സ്പെക്ടര് എസ്.എച്ച്.ഒ എം.വി. ബിജുവിന്റെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്. മാരക മയക്കുമരുന്നായ 51.64 ഗ്രാം എം.ഡി.എം.എയുമായി മാനന്തവാടിയില് മലപ്പുറം സ്വദേശികള് പിടിയിലായ സംഭവത്തില് ഇവര്ക്ക് എം.ഡി.എം.എ നല്കിയത് ഇവരാണ്. ഒളിവില് കഴിയുകയായിരുന്ന ഇവരെ ഉള്ളഹള്ളിയില് നിന്നാണ് കസ്റ്റഡിയിലെടുത്തത്.
ഫാസിലിന് തിരുനെല്ലി സ്റ്റേഷനിലും, കിഷോറിന് മലപ്പുറം സ്റ്റേഷനുകളിലും എന്.ഡി.പി.എസ് ആക്ട്പ്രകാരം കേസുകളുണ്ട്. 2024 ജനുവരി രണ്ടിനാണ് മാനന്തവാടി വള്ളിയൂര്ക്കാവ് റോഡ് ജങ്ഷനില് മലപ്പുറം സ്വദേശികളായ മഞ്ചേരി, മേലങ്ങാടി, കുറ്റിയംപോക്കില് വീട്ടില് കെ.പി. മുഹമ്മദ് ജിഹാദ്(28), തിരൂര്, പൊന്മുണ്ടം, നീലിയാട്ടില് വീട്ടില് അബ്ദുല്സലാം(29) എന്നിവരെ 51.64 ഗ്രാം എം.ഡി.എം.എയുമായി പോലീസ് പിടികൂടിയത്.