താഴെ അരപ്പറ്റ മുതല്‍ ഡോ. മൂപ്പന്‍സ് മെഡിക്കല്‍ കോളേജ് പ്രവര്‍ത്തിക്കുന്ന നസീറ നഗര്‍ വരെയുള്ള 1.5 കിലോമീറ്റര്‍ ദൂരം തെരുവ് വിളക്കുകള്‍ സ്ഥാപിച്ചു. ഡോ. മൂപ്പന്‍സ് മെഡിക്കല്‍ കോളേജ് അധികൃതരും മൂപ്പൈനാട് ഗ്രാമ പഞ്ചായത്തും സംയുക്തമായി പൂര്‍ത്തീകരിച്ച പദ്ധതിയുടെ സ്വിച്ച് ഓണ്‍ കര്‍മ്മം മൂപ്പൈനാട് ഗ്രാമപഞ്ചായത്ത് പ്രസിഡന്റ് വി.എന്‍.ശശീന്ദ്രനും എക്‌സിക്യൂട്ടീവ് ട്രസ്റ്റീ യു. ബഷീറും ചേര്‍ന്ന് നിര്‍വഹിച്ചു.
ഡെപ്യൂട്ടി ജനറല്‍ മാനേജര്‍ സൂപ്പി കല്ലങ്കോടന്‍ സ്വാഗതം ആശംസിച്ച ചടങ്ങില്‍ ഡീന്‍ ഡോ ഗോപകുമാരന്‍ കര്‍ത്ത, വൈസ് ഡീന്‍ ഡോ എ പി കാമത്, വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ എ കെ റഫീഖ്, ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ഡയാന മച്ചാഡോ,വാര്‍ഡ് മെമ്പര്‍മാരായ സംഗീത രാമകൃഷ്ണന്‍, വി. കേശവന്‍, മുന്‍ വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ആര്‍. ഉണ്ണികൃഷ്ണന്‍ എന്നിവര്‍ സംസാരിച്ചു.
