കലാപം മൂലം ഉന്നത വിദ്യാഭ്യാസം നഷ്ടപ്പെട്ട മണിപ്പൂരിലെ വിദ്യാര്‍ത്ഥികള്‍ക്ക് വിദ്യാഭ്യാസ സഹായവുമായി മാനന്തവാടി രൂപത. മാനന്തവാടി രൂപതയ്ക്ക് കീഴിലെ മേരി മാതാ ആര്‍ട്‌സ് ആന്‍ഡ് സയന്‍സ് കോളേജില്‍ പഠനം നടത്താനുള്ള സൗകര്യമാണ് ഒരുക്കിയിരിക്കുന്നത്. മണിപ്പൂരില്‍ നിന്നും എത്തിയ 8 വിദ്യാര്‍ത്ഥികളെ മാനന്തവാടി രൂപത അധ്യക്ഷന്‍ മാര്‍ ജോസ് പൊരുന്നേടം സ്വാഗതം ചെയ്തു. വിദ്യാര്‍ത്ഥികളുടെ മുഴുവന്‍ ചെലവും മാനന്തവാടി രൂപത വഹിക്കുമെന്ന് ബിഷപ്പ് പറഞ്ഞു.കോളേജ് മാനേജര്‍ ഫാ. പോള്‍ മുണ്ടോളിക്കല്‍, ഫാ. സിബിച്ചന്‍ ചേലക്കപ്പള്ളില്‍, പ്രിന്‍സിപ്പല്‍ ഡോ. മരിയ മാര്‍ട്ടിന്‍ ജോസഫ്, അദ്ധ്യാപകരായ ഓ ജെ സാബു , ഷാരോണ്‍, റെജി ഫ്രാന്‍സിസ്, സൂപ്രണ്ട് ജോയ് ജോസഫ് എന്നിവര്‍ വിദ്യാര്‍ത്ഥികളെ സ്വീകരിക്കുന്നതിന് നേതൃത്വം നല്‍കി.
